Запорожьейы облæсты сæрмагонд æфсæддон операцийы фæсчъылдымы районы цæуынц ахуыртæ. 58-æм æфсады мотоæхсæн полчы салдæттæ, æфсæддон къорд «Днепр»-æй æрвылбон сæ хæстæ сæххæст кæныны размæ кусынц сæ цæттæдзинадыл. Ныртæккæ бæстондæр зонгæ кæнынц автоматикон сармадзан «Пламя»-имæ. Æфсæддонтæ лыстæг раиртæстой фæрæз, сбæрæг кодтой хæцæнгарзы тактикон-техникон гæнæнтæ æмæ æдасдзинады домæнтæ. Уыимæ ма раззагдæр линийы сæ хæстæ цы æфсæддонтæ æххæст кæнынц, уыдон сæ арæхтдзинад фидар кæнынц армион тактикон æхстыты, медицинæйы, бахсынц знаджы позицитæ. Лæппутæ сæ дæсныдзинад уæлдæр кæнынц æхстыты æмæ сусæггæнæг мадзæлтты рæстæг. Уæлдай æргом здахынц æфсæддонты ‘хсæн æмархайдмæ. Фæстаг азты цы фæлтæрддзинад райстой, уый раззагдæртæ дæттынц ног æрбацæуджытæн.